 |
|
|
|
|
|
|
|
|
 |
 |
|
|
||||
|
Pinepine Te Kura |
|
||||||
|
Verse One Pinepine te kura, hau te kura Whanake te kura i raro i Awa-rua Ko te kura nui, ko te kura roa Ko te kura o tawhiti na Tu-hae-po Tenei te tira hou, tenei haramai nei Ko te umu-rangi, na te Whatu-i-apiti Nau mai e tama, ki te taiao nei Ki’ whakangungua koe ki te kahi-katoa Ki te tumatakuru, ki te tara ongaonga Nga tairo e nahau, e Kupe I waiho I te ao nei.
Verse Two Pike ake, kake ake I te toi huarewa Te ara o Tawhaki i piki ai ki runga I rokohina atu ra Maikuku-Makaka Hapai o Maui, he waha i pa mai "Taku wahine purotu, Taku tane purotu" Korua ko te tau e.
Verse Three Whakakake e tama i te kiinga o to waha No runga rawa koe, no te tahu nui i Rangi e tu nei Na Rangitu koe, na Rangiroa, na Tane rawa koe Na Paia koe, na Te Aparangi-i-hihiri, na te Aparangi-i-rarapa Tukia-i-wharerangi, Te Ngaruru-mairangi Te Matatohikura, ko Maru, ko Apa-ite-ihonga, nahana ra koe Kahore nei e tama, ko te wananga i a taura nei Te nei i waiho i Okaiure ra Nga pure tawhiti, te kaunoti hikahika Te kaunoti a to tipuna, a Tura, i haere ai, i tere i nui ao Ka hika tona ahi, kimihia e Kura Ko Tumatere te umu, ka hoki nga kai ki te ao Koia Turanganui, he mataawha, he patu i te tangata kia mate Na te mau whaiwhaia hoki ra i manene ai i te ara Ka mate kongenge, ka mania, ka paheke Ko te matamata ki te tuahu e makutu mai ra Ko Tama-iri-a-kina te rangi, Te Hekenga o rangi Ko Taramuru anake i titi kaha mai ra
Verse Four E kai o mata ki te kohu e tatao I waho o te moana, o toka hapuku Ko Maunu-ngarara, ko Whare-rau-aruhe Na taua i waiho i Okaiure ra Ko Taopaiterangi, ko te Aratotara Te Huewaiparae – koia te korori Tena ra e ta ma, te wa ki to koutou iramutu Tamaua mai nei ki te ua i te kahu E kai o mata ki runga Marokotia Karokaro i te taturi o to taringa kia areare ai Mo te whakarongo ake ki nga kii mai a to tipuna, a Noho-atu E makamaka mai ra no taua anake Te Arai o Turanga Te matenga o Hinerakai i turamatia ai, I matakitakina ai, koia Hika Matakitaki Whiti ke mai koe ki rainahi nei Te ai o mahara, ka mate koe i Awarua Ka manene mai koe ki ro te wai, ka u ana ko Hauraki Ka pa ko te waha o Tutawirirangi E ta ma, ina ia te kai Toia ki uta ra, haehaetia ai Tunua ai te Manawa, ka kainga, ka pau No Karotimutimu, no Taurangakoau Taia te waka nui Ka kai ki te kirikiri Ka kai ki te ponga Ka kai ki te mamaku Ka kai ki te ngarara whakapae Ka kai ki te pananehu E tama e.
|
|||||||