Tu Mai Awa

Tu mai awa, tu mai moana

Ko koe takahia noatia e au

Tupe aunuku tupu aurangi

Whati ki runga, whati ki raro

Urumarangaranga,

Pera hoki ra taku manu-nui na Tane

Ka tatau atu ki roto Nuku-ngaere

Mai a whiwhia, mai a rawea

Mai a whakatakaia

Ka taka te huki rawea

Koro i runga koro i raro

Koro i Tawhirimatea

Ki kora hoki koe tu mai ai.

Ka hura te Tamatea nunui

Ka hura te Tamatea roroa

Te Kauaka nuku, te kauaka rangi Te ai a nuku, te ai a rangi

Te kura mai hukihuki

Te kaweau tetere

Kawea a nuku, kawea a tai

Oi!  Tumata kokiriritia!

Hoatu waka ki waho

Hoatu waka ki uta.

Ngaruhinga atu, ngaruhinga mai.

I runga te mata wahine

I raro te mata tane

Huki nawenawe.

Tenei te waka ka whakairia,

Ko Takitimu te waka e,