“Kahungunu, kua aua atu e tāria ana kia huri mai koutou ki te reo, ā, kua huri mai koutou, me mihi i tērā āhua”. Nā Tīmoti Kāretu ēnei kupu nei i whakatakoto i tana kauhau ki te marea i tae ake ki Te Pō Tuku Tohu Reo Māori a Ngāti Kahungunu i tū ki Heretaunga i te 17 o ngā rā o Aperira 2015. Neke atu i te 500 ngā tāngata i tae atu ki te whakanui i ngā kaiwhiwhi o ngā tohu e 17. Whakamīharo kē atu ana ki te tokomaha i pōī atu i runga i te aroha nui ki te reo Māori ka tahi, me ōna Kahungunutanga ka rua.
Kai hea mai tēnei kaupapa nei hai whakatiketike i tēnei hunga e noho ake nei hai iho pūmanawa mā te hunga e kaingākau ana ki te reo Māori. Tēnā rā koutou e kōrero nei, e whakamahi nei, e whakakake nei, e whakatairanga nei i tō tātau reo rangatira, mā tātau katoa ia e ora ai. Ngā mihi nui ki a koutou katoa.
To know more about the winners, please click on the appropriate category.
Categories and winners
Te Whakaihuwaka o Te Reo Māori - Rōpata Hepi
Ngā Tohu Kaiwhakaako Reo Māori (Rūmaki Māori) - Georgina Kīngi
Ngā Tohu Kaiwhakaako Reo Māori (Auraki) - Marino Tiuka
Ngā Rōpū Whakaako i Te Reo Māori - Te Ūranga Waka (EIT)
Te Hapori Whānui - The Wairoa Star
Te Kaiwhakatairanga i Te Reo Māori - Pourerere Marae
Te Tira Hou o Te Reo Māori (Rangatahi) - Josh Rakatairi
Te Kete Aronui o Ngā Toi (Arts) - Tama Huata
Te Ahorangi o Te Kupu (Teacher) - Hīria Tūmoana
Te Tahito o Te Reo Māori (Tāne) - Enoka Munro
Te Tahito o Te Reo Māori (Wahine) - Naina Buxton
Te Kaikōkiri o Te Reo Māori - Pōrangahau Marae
Te Kahukura o Te Reo Māori - Rangihaereroa Te Rupe
Te Āwhiorangi o Te Reo Māori - Dr. Joseph Te Rito
Te Kuru Pounamu o Te Reo (Wahine) - Apikara Rarere
Te Kuru Pounamu o Te Reo (Tāne) - Canon Wi Te Tau Huata
Ko Mataatua te waka,
Ko Ngāti Pūkeko me Taiwhakaea ki Ngāti Awa, Ngāi Tai, Te Ara ngā iwi,
Ko Ōhinemataroa te awa,
Ko Putauaki te maunga
Kua neke atu i te 46 ngā tau a Georgina e whakaako ana i Te Kura Kōhine Māori o Hato Hōhepa. Nāna i whakarewa te rōpū, Hawkes Bay Māori Language Association, i te tau 1979. He kaiwhakamāori/kaiwhakapākehā rēhita a ia. He kaitautoko hoki a ia i ngā tini kaupapa mō te reo Māori. E hia nei ana tauira kua mōhio ki te kōrero Māori i a ia i roto i aua tau 46. Me mihi rā te roa ōna e pakanga nei kia mana ai tō tātau reo ka tika.
